Մեր օրերի Զիմզիմովը

Քանի որ մեզ մոտ «Վերվարածներ» ու այլ հիմարություններ են ցուցադրվում հեռուստատեսությամբ, ապա բնական է, որ սովետական տարիների պահեստապետ, իսկ այժմ Սերժ Սարգսյանից մեդալ ստացած պոնչիկ-գործարար Հրանտ Վարդանյանի 60-ամյակը պետք է TV-ները ներկայացնեին այնպիսի պաթոսով, կարծես փղիկ-Հրանտը նոր գրականություն է ստեղծել, կամ օսկարակիր ֆիլմ է նկարել կամ Ակապելա է կատարել իտալական բեմերում:
TV-ների վարքը բացատրելի է: Նրանք գովազդային փողեր են ստանում քցիբ Հրանտից և դա մեծ հերոսություն է` փող պոկել սովետի պահեստները թալանած ու սեփական աշխատողների հետ ստրուկի պես վարվող Հրանտ Միխայիլովիչից:
Բայցի այդ, TV-ները տեսան, որ «բարձրյալ» Սերժը մեդալ է տալիս Հրանտին, իսկ դա արդեն ցուցում է, որ Հրանտի 60-ամյակը պետք է լուսաբանել այնպես, որ Վիլյամ Սարոյանի 100-ամյակը ստվերվի` փողասեր, Քոչարյան Ռոբի սիրած «պավիդլան» կոնֆետի մեջ լցնող, Թուրքիայից ապրանք բերող ու հայկական փաթեթավորմամբ տեղական արտադրությունը գովերգող Հրանտ Վարդանյանի ծննդյան ֆոնին:
Հրանտ Վարդանյանի մեդալ ստանալը նաև այլ բան ցույց տվեց: Ուրեմն ինչքան թույլ ու անզոր է դարձել չընտիր Սերժ Սարգսյանը, որ նույնիսկ իրեն ամեն օր հայհոյող բիզնեսմենին է մեդալ տալիս: Ժամանակին Հրանտ Վարդանյանն ասում էր, որ մինչև Սերժ Սարգսյանի հարցերը չլուծվի` կոռուպցիան երկրից չի վերանա: Դա հեռավոր 2003-ի խորհրդարանական ընտրությունների ժամանակ էր, երբ պոնչիկ-Հրանտը հոգով դաշնակ էր, իսկ մարմնով` քոչարյանական: Հետո եկան այլ ժամանակներ: Հրանտը վախից չոքեց ու միայն Քոչարյանի միջամտությամբ էր ներվում իր հայտարարությունների համար:
Այժմ թվում էր, թե Սերժը կուտի իրեն հայհոյած Հրանտին: Բայց դե Սերժը հիմա «շան օրի» է ու «նե դո Հրանտա»: Հիմա, ընդհակառակը, հրանտներին պիտի Սերժը մեդալ բաժանի: Այսինքն, ով ուզում է մեդալ ստանալ` խորհորդ ենք տալիս մի լավ հայհոյել Սերժին: Կեվորկովյան շկոլան անցած և Բերժնևի տարիներին մեդալ բաժանելը ամեն օր տեսած Սերժին, այլ բան չի մնա` քան իրեն հայհոյողին պարգևատրելը:
Սերժը շուտով մեդալներ կարող է բաժանել կոշիկի «բուտկի» տերերին, դանակ-մկարտ սրողներին և վարչապետ Տիկոյի հարկային մոլագարությունից տուժած այլ սուբյեկտներին: Սերժը երևի մտածում է, որ եթե մեդալ տա, ապա իրենից բոլորը գոհ կմնան ու ինքն իր չար նպատակների իրականացման համար թիրախ կդարձնի պեդոֆիլ Տիգրան Սարգսյանին: Սերժին ասենք, որ չի ստացվի: Սովետի ժամանակները վաղուց անցել են:
Բայց հետքրքիր է, որ մեդալ տվողն ու մեդալ ստացողը սովետական մենթալ համակարգի մարդիկ էին: Սերժն էլ, Հրանտն էլ միմյանցից զզվում են, բայց մեդալի հանձնման ժամանակ երկուսն էլ անկեղծորեն ուրախ էին: Ես մտածեցի, որ հիմա «վ զասոս» համբուրվելու են Սերժն ու Հրանտը` ինչպես բերժնևյան ժամանակաշրջանում էին մեզ ցույց տալիս «Վրեմյա» ծրագրով:
Մեր օրերի Զիմզիմով-Հրանտն այժմ կարող է հանգիստ հայհոյել Սերժին ու թաքցնել հարկերը: Հո Սերժի հարկայինի գամփռները չեն կարող հարձակվել մեդալ ստացած Հրանտի բիզնեսների վրա ու հետո «Հայլուրով» ցույց տան, որ Հրանտի օբյեկտներում ՀԴՄ-ի կտրոններ չեն տրամադրում: Այսպիսով, Հրանտը վաստակել է, Սերժին կոռուպցիայի մեջ մեղադրելու վաստակավոր կոչումը: Տարոսը մյուս բիզնեսմեններին: Սերժը հիմա պիտի մեդալ տա Լֆիկ Սամոյին, Նեմեց Ռուբոյին /որպես Հրանտի կոնտրագենտ/, Ալրաղացի Լյովիկին, Ֆլեշ-Բարսեղին և, իհարկե, Դոդի Գագոյին: Չէ որ Դոդի Գագոյի մայր Ռոզան էլ, ժամանակին հարցազրույց տալով թերթերից մեկին, անկեղծացել էր, թե իրենք հարկերը թաքցնում են պետությունից, որ «դրանք չտանեն կազինոներում տարվեն»: Տիկին Ռոզայի այդ հարցազրույցը լուրջ աղմուկ բարձրացրեց: Ասում են, որ Սերժ-Ռոբ-Դոդ ֆորմատով մեծ «ռազբորկա» է եղել այդ առիթով և Դոդին մի երկու չափալախ է տվել Սերժն ու հասկացրել, որ 2007-ի խորհրդարանական ընտրությունների ժամանակ Դոդը ծոծրակը կտեսնի, բայց իր ուզած թվերը չի հավաքի /եթե հիշում եք, 2007-ի ԱԺ ընտրությունների ժամանակ Դոդը գոռում էր «50+1 տոկոս»/: Այդպես էլ եղավ: Բայց հետո շատ ջրեր հոսեցին ու Դոդը դարձավ Սերժի կոալիցիոն գործընկերը: Եվ հիմա ճիշտ ժամանակն է մի մեդալ էլ Դոդի Գագոյին տալ: Ումի՞ց է պակաս: Ինքն էլ Հրանտի պես ամեն օր հայհոյում է Սերժին ու նրա փեսա Միշիկին, ինքն էլ /մոր միջոցով/ Սերժին մեղադրել է կոռոըպցիայի ու թալանի մեջ և, հետևաբար, արժանի է Սերժից մեդալ ստանալուն: «Առա՛ջ, Հայաստան»:

Արմեն Վարադանյան